Connect with us

Contoh Khutbah Jum’at Berbahasa Bugis

Khutbah

Contoh Khutbah Jum’at Berbahasa Bugis

Contoh Khutbah Jum’at Berbahasa Bugis – Khutbah Jumat Berbahasa Bugis adalah Khutbah Jumat merupakan salah satu syarat ibadah shalat Jumat. Dari sudut pandang ilmu komunikasi, khutbah Jumat merupakan satu kegiatan komunikasi yang memiliki potensi yang sangat besar untuk digunakan sebagai saluran menyampaikan ajaran-ajaran Islam yang perlu diketahui dan dipahami oleh jamaah. Nah berikut ini kami share contoh khutbah jum’at berbahasa bugis yang singkat dan terbaru.

Contoh Khutbah Jum’at Singkat Berbahasa Bugis

اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

اَلْحَمْدُ للهِِ الَّذِى أَرْسَلَ رَسُوْلَهُ بِالْهُدَى وَدِيْنِ الْحَقِّ لِيُظْهِرَهُ عَلَى الدِّيْنِ كُلِّهِ وَلَوْ كَرِهَ الْمُشْرِكُوْنَ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. أَيُّهَا اْلمُسْلِمُوْنَ، اِتَّقُوا اللهَ فِى السِّرِّ وَاْلعَلَنِ وَاجْتَنِبُوْهُ عَمَّا نَهَاهُ عَنِ السَّيِّئَاتِ. فَقَدْ قَالَ اللهُ تَعَالَى فِى الْقُرْآنِ الْكَرِْيمِ، أَعُوْذُ بِاللهِ مِنَ الشَّيْطَانِ الرَّجيم: {يَاأَيُّهَا الَّذِينَ ءَامَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ}. (آل عمران: 102). وَقَالَ أَيْضًا: {وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا إِنَّ اللَّهَ لَا يُحِبُّ كُلَّ مُخْتَالٍ فَخُورٍ}. (لقمان: 18).

Sininna umma selling malebbi engkae hadere.

Makkedai Puang Allah Ta’ala rilalenna surah Luqman: ayat 18-19:

{وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا إِنَّ اللَّهَ لَا يُحِبُّ كُلَّ مُخْتَالٍ فَخُورٍ. وَاقْصِدْ فِي مَشْيِكَ وَاغْضُضْ مِنْ صَوْتِكَ}.

Bettuanna: Aja mupalessei tappamu ri tauwe napakkua atakabborokeng, enrengnge ajalalo mujoppa ri lebo’na tanae sibawa atakabborokeng, majeppu Puang Allah Ta’ala de napojiwi tungke-tungke tau takabboroe namabangka. Pasituju-tujui joppamu mupalemmakiwi saddammu.

Naiyya akkatana wallahu a’lam, iyaewe ayae majjelloi riappesangkayanna ribolai ritellae sifa atakabborokeng, iyanaritu pappasenna Luqman lao ri ana’na makkedae “aja lalo muita matunai gangkanna mucapa-capai seddie tau narekko siolokko, yakkeppaha sioloko padammu rupa tau nagau macakka rupammu, cabberu-beru degaga sikalice tanra-tanra abangkakeng enrenge atakabborokeng. Makkotoparo akka-akka ajewe nasibawai atakabborokeng. Pasenna Luqman lao ri ana’na paimeng naelorengngi situju-tuju joppana, temmatengnge temmagattitoi. Rirampei pole ripangulutta Aisyah ritu, mitai seddie tau makelu (loyo) joppana, nanakkedana Aisyah magi nappakkoro joppana, naribalini makkedae iyaro tauwe malamung pahanna riagamae, aga nakkedana Aisyah: Naiyya pangulunna toaccae narekko joppai malinta narekko mappoadai riengkalinga, narekko mabbarasai napeddiriwi tauwe, deha namakelu.

Hadirin yang berbahagia

Makkedai Anre Gurutta Imam Al-Ghazali: Riasengnge takabboro iyanaritu uppanna-uppanna seddie tau nitai alena lebbi pole ri tolaingnge. Gangkanna momponi atakabborokengnge nenniya sifa-sifa matunae.

Nasaisani onrong weddingnge naonroiyye atakabboro-kengnge iyanaritu:

  1. Paddissengengnge, nasaba atanrengeng paddisengenna gangkanna naita madongo manenni tauwe. Padahal sikalice’mi paddisengenna ri sesena Puang Allah Ta’ala.
  2. Amalae yarega atturue, nasaba amegangenna amala’na gangkanna alenana naseng tau kaminang malebbi nenniya mapaccing. Padahal makkedai Puang Allah Ta’ala aja’ pada nakirai alena tau kaminang metau yarega mapaccing.
  3. Abbatirengnge, nasaba atanrengenna abbatirenna nenniya akessingenna watakkalena gangkanna denamaelo sipabbinru-binru padanna rupa tau, narekko taniapa padanna. Padahal Puang Allah Ta’ala natangngai atinna tasseddie ampena rupatau.
  4. Asogirengnge, nasaba amegangenna waramparanna aga nacinnai iyya engka gangkanna de namaelo jelling-cellingngi tau peddie.
  5. Awatangengnge, nasaba apaullenna gangkanna nagau bawanni padanna rupa tau, nasengngi de’ naullei pigaui padatoha iyya napugaue.

Hadirin yang berbahagia.

Narampei Anre Gurutta Quraish Shihab ri kitta’na makkedae: Engkamato nengka atakabborokengnge riappalaloang ri agamata iyaritu riwettu siolota tau takabboroe sarekkoammengngi naissengngi alena padatoha adanna Nabitta: atakabborokengnge masse ri tau takkabboroe yanaritu passidekkai. Nenniya engkato sewwa wettu ritengngana musue, naengka sahaba joppa tarembo-kembo aga nakkedana Nabitta: Sifa iyya nacaccae Puang Allah Ta’ala iyanaritu takabboroe sangadinna iyyewe wettue.

Paimeng sifa atakabborokengnge maladde bahayana ritu paddibolaengngi, padatoha adanna Nabitta:

لاَ يَدْخُلُ الْجَنَّةَ مَنْ كَانَ فِى قَلْبِهِ مِثْقَالَ حَبَّةٍ مِنْ خَرْدَلٍ مِنْ كِبْرٍ.

Bettuanna: De natama suruga tau iyya rilalenna atinna engka pada tane’na seddi lice-lice pole riatakabborokengnge.

Magai nancaji pallawa riuttamangenna suruga? Nasaba atakabborokengnge saisai pappallaiseng ri sifa madecengnge. Naiyya  sifa madecengnge pabbukkana tange’na suruga, sedangkan atakabborokengnge pattutu’na pintunna suruga.

Hadirin yang berbahagia.

Nah, saisani cara iyya wedding pateddengngi sifa atakabborokengnge iyanaritu:

  1. Naparennuanginna lao ritauwe nilai sifa madecenna nenniya sifa majae rialena, gangkanna naissengngi caca’na nenniya dena nawedding naukkuru’ki alena nasaba naitana ritau mariawae pole ri sifa iyya natakabborokie.
  2. Napahannai alemmangenna mappammula bunge ripancajinnai rupa tauwe pole ri uwae sitettie, naluru tuwo nanakennai lasa pole siagae egana rupanna, panggangkanna mancaji bake.

Makkuniro urapi rampengekki, lebih dan kurangnya mohon dimaafkan, terima kasih.[cp]

Kata Kunci:

teks khutbah bahasa bugis
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

More in Khutbah

Terpopuler

Title

Terbaru

To Top